Sertifikat imunisasi untuk daftar sekolah apakah penting?

Pagi pagi bener bang jeki udeh nongkrong di warkop mpok leha, baru nyeruput sedikit doangan,si mpok nyang punya warung keliatan buru buru mau pegi,,Katenye sih mao ke puskesmas.Alih alih mao nitipin warung juga  ama bang jeki bentaran.

bang jeki penasaran nih,kok si mpok buru buru amat mao ke puskesmas,"ape si otong lagi meriang atau kenape nih???" dalem ati bang jeki.

usut punye usut, ternyata mpok leha mao ngurus surat sertifikat imunisasi punya si ntong,katenye sih sebagai persyaratan buat masuk sekolah nanti.

bang jeki langsung mikir, Ape segitu penting ama kegunaannye itu sertifikat.karena bang jeki yakin ampir semua anak nyang baru lahir ampe 9 bulan pasti dilengkapin imunisasinye ama emaknye.secara pan ampir di tiap kelurahan udah ada puskesmas atawa posyandu gratis.

lagipula, kalopun ada nih ye emak yang gebleg kagak imunisasiin anaknye. bang jeki yakin sebelum umur masuk sekolah juga ntu anak pasti udah "lewat" alias ko'it atawa sakit-sakitan. ujung ujungnye ya kagak bise sekolah.hehehe

Entah ini program usulan siape,menurut aye sih gak penting tapi seakan dibuat penting.

"tapi yaudahlah,rakyat kecil mah cuma bisa manut aje ama perintah pejabat.gak usah peduliin penting atawa gak pentingnye,nyang penting anak bise masuk sekolah.syukur syukur bisa jadi tukang ingsinyur ngikutin jejak si doel nyang anak sekolahan ntu. Aaamiiin ya Allah." doa bang jeki sambil nyeruput kopinya lagi seraya bolak balik koran edisi minggu kemaren yang ada dimeja warung.